Шымшымалар

   

 Қол бұлғады

 « Сұмырай келсе, су құриды» деуші еді,

Соның шынға айналғаны-ау бұл-дағы.

Әрбір үйге су беретін құбырлар,

Қыс түспей-ақ «құрғады».

Сұғанақтар қаражатты жымқырған,

Көп кешікпей түрмеден қол бұлғады.

  Бар арман

Жұмыр басты пендеңіз,

Ішіп-жеуге жаралған.

Сондықтан да жемқорлық,

Қан тамырдай таралған.

Қорықпайсыз ба дегенмен,

Құрылар деп тор алдан?

Оны ойлауға уақыт жоқ,

Молырақ қарпу бар арман.

                         

    Бірте-бірте

Ішіп алып атасының қорасына түскен-ді,

Сөйтіп әлгі бірте- бірте іштенді.

         Қайқайды

  – Ұрлық жасап байығанды көрмедім.

Ал өзіңіз...

– Өй, ант атқыр...

Бар болғаны ермегім.

      Сүлеймен Баязитов