Аз емес – ау
Елпектеген күні үшін
Кемелбек
Кеңінен алып тынысын,
Үнінен алып тынышын.
Кеше жарты нанды бөліп
Жеген бастығын
Деп қарғайды құрысын.
«Жемқор неме, нағыз иттің өзі еді,
Мәңгілікке жоғалады көзі енді»,
- Дей бергенде келді кіріп бастығы.
Кемелбектің атыздай боп көзі енді.
- Бәсе, бәсе сіз адалсыз
білгенмін,
Үміт артып ақталар деп жүргенмін.
Ал бастығы қол берместен өте шықты қасынан,
Елеместен өсекші иттің үргенін,
Екіжүзді аз емес - ау, найсаптар,
Күтіп жүрер шайқалғанын іргеңнің.
Сүлеймен Баязитов