Сөзін жазған С. Баязитов
1. Жорға мініп, тайпалып,
Жайлауға барып қайталық.
Келед әне өрістен,
Атам қойын қайтарып.
Қайырмасы:
Қозы бағам күнімен,
Қой күзетем түнімен.
Ұнатамын мұны мен,
Ұнатамын мұны мен.
2. Таза ауамен тыныстап,
Дем аламын дұрыстап.
Әжем бие сауғанда,
Құлынды інім тұр ұстап.
Қайырмасы:
Қозы бағам күнімен,
Қой күзетем түнімен.
Ұнатамын мұны мен,
Ұнатамын мұны мен.
3. Қайтқан малдың өрістен,
Алды көлге кеп түскен.
Арты шұбап келеді,
Түсіп жаңа еңістен.
Қайырмасы:
Қозы бағам күнімен,
Қой күзетем түнімен.
Ұнатамын мұны мен,
Ұнатамын мұны мен.